RM ရဲ့ဒိတ်တင်သတင်းဟာ ကောလဟာလသာဖြစ်ကြောင်းငြင်းဆိုလိုက်တဲ့ Big Hit Music

ကမ္ဘာကျော်တဲ့အိုင်ဒေါအဖွဲ့တစ်ခုဖြစ်တဲ့ BTS ကတော့ နှုတ်ခမ်းနီမလေးတွေရဲ့အသည်းကျော် အမျိုးသားအိုင်ဒေါအဖွဲ့လည်း ဖြစ်ပါတယ်။ BTS အဖွဲ့ဝင်တွေကတော့ ဒိတ်တင်သတင်းတွေတစ်ယောက်ပြီး တစ်ယောက်ထွက်ပေါ်နေတာပါ။ BTS ရဲ့အဖွဲ့ခေါင်းဆောင် ဖြစ်တဲ့ RM ရဲ့ဒိတ်တင်သတင်းကတော့ အွန်လိုင်းမှာ ထွက်ပေါ်လာပြန်ပါတယ်။


ဒီသတင်းနဲ့ပတ်သက်ပြီးတော့ Big Hit Music ကနေပြီးတော့ ငြင်းဆိုထားပါတယ်။” RM နဲ့ပတ်သက်တဲ့ဒိတ်တင်သတင်းကောလဟာလတွေက မမှန်ကန်ဘူး” လို့ Big Hit Music ရဲ့တာဝန်ရှိသူတစ်ဦးမှဆိုထားပါတယ်။ RM ဟာ ဆယ်လီလရစ်တီမဟုတ်တဲ့ သူတစ်ယောက်နဲ့ ဒိတ်နေတယ်လို့ ‘Lovestagram’ ကအထောက်အထားတွေပေါ်မူတည်ပြီး ယူကျူ့ချန်နယ်တစ်ခုကနေပြီး သတင်းစထွက်ခဲ့တာလို့ သိရပါတယ်။


ဒီယူကျူ့ချန်နယ်ကတော့ အရှေ့ပိုင်းမှာလည်း BTS အဖွဲ့ဝင် Jungkook နဲ့မင်းသမီး Lee Yoo Bi တို့အပြင် BTS အဖွဲ့ဝင် V နဲ့ပတ်သက်တဲ့ ဒိတ်တင်သတင်းတွေနဲ့ပတ်သက်ပြီး လူတွေရဲ့အာရုံစိုက်မှုကို ရရှိခဲ့တာလည်း ဖြစ်ပါတယ်။ ဒီနေ့မှာတော့ RM နဲ့ပတ်သက်တဲ့ဒိတ်တင်သတင်းကမှားနေတယ်ဆိုတာကို သိခဲ့ရပါပြီနော်။

x
error: Content is protected !!